ԳԱՐՆԱՆ ԱՌԱՋԻՆ ՕՐԸ

Շշուկով կարդա տողերն այս երգի,

Մրմունջի նման, աղոթելու պես,

Որ աղ չցանվի կիսաբաց վերքին -

Ու օրդ թվա արևահանդես:

Ընդունիր երգն այս՝ զեփյուռի նման,

Նորալուսնի հետ՝ շրջող արտերում,

Որ քամիները սիրուց խենթանան -

Ու ծաղիկները բացվեն դաշտերում:

Ընդունի՛ր, որպես լուսայգի երազ,

Որից ժպտում են քնի մեջ անուշ,

Որպես մեղմօրոր Գարնանային վալս -

Որպես սիրահար պոետի մրմունջ