SER> SER>> SER>>>...........

Գիտես ինչքան սիրում եմ քեզ,

Էլ ավելի տանջվում եմ ես:

Եթե այդքան սիրեմ քարին,

Զարդ կդառնա այն թանկագին:

Եթե սիրեմ սառցալեռին,

Ջուր կդառնա այն իմ ձեռքին:

Հենց որ սիրեմ անապատին,

Կդառնա այն մարգագետին:

Սիրեմ անշունչ մոլորակին,

Կյանք կծագի նրա կրծքին:

Եթե սիրեմ արեգակին,

Գիրկս կգա սիրահարված,

ՈՒ չի այրի իր սիրածին:

Եվ թե սիրեմ տիեզերքին,

Կդարձնի նա ինձ տիեզերք,

Որ միշտ լինեմ ես իր կողքին:

Բայց ես ահա սիրում եմ քեզ,

Այդ ինչ ամուր սիրտ դու ունես,

Որ չի հալվում ու չի բացվում,

Այլ անտարբեր լոկ բաբախում...