Կմոռացվես նաև դու,և ի՞նչը չի մոռացվում.
Ինչը, ինչը սիրելիս չի այցելում ու անցնում,
Երջանկություն, ցավ,վիշտ գալիս գնում են անհետ,
Ինչքան էլ դու դառնությամբ,ափսոսանքով նայես ետ :
Այդ հիմա է՛ ինձ թվում, թե տանջանքին չկա վերջ,
Կխճճվեմ քո սիրո կախարդական ցանցի մեջ,
Այդ հիմա է ինձ թվում,որ իմ սիրտը առանց քեզ
Նռան նման կճաքի ու կդառնա երկու կես :
Կմոռացվես...բայց գիտե՞ս ի՝մ սիրելի,իմ անգութ,
Երջանկությունը կյանքում մի թռչուն է հազվագյուտ,
Հենց որ թռավ,նրան անհնար է բերել ետ ,
Խոհեմ եղիր սիրելիս, եղիր զգույշ նրա հետ:
Комментариев нет:
Отправить комментарий