KA MEKN ASHXARHUM

Սրտիս  մշուշում  լույս  կաթեց  կաթ-կաթ,

Այգաբաց  ծնվեց  մթին  խավարից,

Իսկ  օրը  եղավ  շենշող,  շողակաթ.

-Կա  մեկն  աշխարհում  ով  սիրում  է  ինձ:

Մոմեր  վառվեցին  սրտիս  խորանում,

Հոգիս  պարուրեց  մի  անուշ  թախիծ,

Ասել  եմ  ուզում,  չեմ  կարողանում.

-Կա  մեկն  աշխարհում` կարոտում  է  ինձ:

Երազանքներս  թևեր  են  առել,

Նրանց  սրընթաց,  հպարտ  ճախրանքից

Բառեր  են  ծնվում,  ոսկեղեն  բառեր.

-Կա  մեկն  աշխարհում` սպասում  է  ինձ...