INDZ ASUM EN

Ինձ ասում են , - մանկությունդ մոռացիր,

Երազ էր դա թեթև, անհոգ ու անցավ

Հետ մի' նայի'ր , մի' որոնի'ր, մի' կանչի'ր,

Հեքիաթային ակնթարթ էր, վերացավ:

Ինձ ասում են ,-կորած սերդ մոռացի'ր,

Ծիածան էր, արտասուք էր, չորացավ,

Նոր օրերի թրթիռներով թևածիր,

Ցրիր սրտիդ տագնապները հնացած :

Ինձ ասում են ,-կորուստներդ մոռացիր ,

Ունեցածով երջանկացիր քանի կաս,

Դու էլ մի օր , կյանքդ թողած աշխարհին ,

Պիտի հանգիստ աչքդ փակես ու գնաս:

Ինձ ասում են ,-դու ինքդ քեզ մոռացիր