KAROT

Ահա, նկարդ էկրանին բացել

Ու կլանում եմ ճառագայթը քո,

Մեր անջատումից երկար չի անցել,

Արդեն խեղդվում եմ կարոտի ներքո:

Ցրել եմ ուշքս անծիր եթերում,

Միտքս` կուտակել պատրանքներիդ շուրջ,

Տենչիս հորձանքը քո մոտ է բերում

Իմ եռուզեռը` կողպված լուռումունջ:

Թեկուզ շոյել եմ մերկությունդ խենթ`

Իմը չես եղել ոչ մի ակնթարթ.

Իսկ ես արձակ եմ, սիրահար պոետ`

Այնպե՜ս հոգետանջ ու այնքա՜ն անդարդ:

Ձուլել եմ շունչս քո պարանոցին,

Շուքս` այտերիդ իզուր անձրևել:

Նայում եմ հոգուս կրքաբուխ խոցին

Ու խորթ ափսոսում` չե՛մ կարող ներել...