ETE GIRQ DARNA SIRTS ERBVE

Եթե  գիրք  դառնա  սիրտըս  երբևէ `

Այն  քո  ձեռքերին  միայն  կհանձնեմ ,

Փականը  նրա  լոկ  դու  կտեսնես ,

Քանզի  բանալին  վաղուց  ես  գտել ...

Խնամքով  թերթիր  էջերը  նրա `

Այնտեղ  թաքցրած  անտիպ  էջեր  կան ,

Ձեռքիդ  հպումից  գուցե  խենթանա

Ամեն  թերթիկն  ու  երկինք  բարձրանա ..

Ձուլվի  աստղերի  համըր  զրույցին ,

Այրվի, բոցկլտա  ընդդեմ  խավարի ,

Բորբոքի  մարած  կրակն  < աչքերի > 

Ու  վերադարձին  իր  հետ  լույս  բերի ...

Իսկ  եթե  հանկարծ  դու  կարդալ  չուզես `

Սոսնձիր  որոշ  չգրված  էջեր ,

Այնտեղից  մի  օր  կծնվեն  լույսեր ,

Քանզի ...  քո  ձեռքն  է  փականին  դիպել ...