Եթե

Եթե մեկ անգամ նույնիսկ դու ժպտաս, 

Երբ ինձ հիշեցնեն գիշերներն անքուն, 

Եվ թե անունս պատահմամբ դու տաս 

Ուրեմն ես դեռ ողջ եմ այս կյանքում: 

Եթե մեկ օր ինձ տեսնել ուզես, 

Սակայն քեզանից շատ հեռու լինեմ, 

Բայց թե երազում այցելեմ ես քեզ, 

Ուրեմն ես դեռ գոյություն ունեմ: 

Եթե խոսքերն իմ դու էլ չհիշես, 

Բայց արև տեսնես խավարի գրկում 

Ու քայլ անելիս սրտիդ հետևես, 

Ուրեմն ապրում եմ ես դեռ քո հոգում: 

Եթե գեթ մոխիր չմնա ինձնից, 

Եվ թե անունս մոռանաս անգամ, 

Բայց սիրտդ հանկարծ ելնի իր հունից, 

Ուրեմն ես այս աշխարհում դեռ կամ