Թե

...Թե օրերս գունեղ մեղմիկ դեղնով են

զուգվել,

Ուրեմն կյանքիս հովտում թափվել է

աշունն արդեն...

Թե վարսերիս հատիկ արծաթ-եղյամն է

փարվել,

Ուրեմն իմ հասուն այգում աշնան

տերևն է լացել...

Թե երգից իմ հոգու մի բուռ արցունք է

կաթել,

Ուրեմն երկինքս կաթհունց աշնան

մեգով է պատվել...

Թե ձեռքերս փափուկ ակոսվել են

արդեն,

Ուրեմն կյանքիս ճամփին աշնան

վաստակն է նստել...

Թե իմ սիրտն անհանգիստ խոնարհ

երգով է դյութվել,

Ուրեմն իմ տանն արդեն աշնան

հոգնությունն է իջել...

Եվ...ուրեմն, Երկինք, օրհնիր Աշունն իմ

մեկեն...